Իրաքի շիական խմբավորումները Թուրքիային կոչ են արել դուրս բերել զորքերը երկրից

12:38 • 15.02.21

Իրաքի շիաական զինված խմբավորումները թուրքական կողմին կոչ են արել դուրս գալ երկրից, իսկ Բաղդադի կառավարությանը կոչ են արել հետ մղել թուրքական ուժերի կողմից հնարավոր հետագա գործողությունները, հայտնում է Ahval-ը:

Հանգստյան օրերին Թուրքիան ռազմական գործողություն է սկսել Քուրդիստանի աշխատավորական կուսակցության` Իրաքի հյուսիսում տեղակայված զինյալների կողմից պահվող պատանդներին փրկելու նպատակով: Իրաքի հյուսիսային Գարայի շրջանում գտնվող քարանձավում 13 թուրքերի մարմինների հայտնաբերումից հետո ձեռնարկված գործողության ընթացքում երեք թուրք զինվոր է զոհվել:

Թուրքական գործողությունից հետո «Ասայիբ Էհլիլհաք» շիաական զինված խմբավորումը կազմակերպությունը կոչ է արել Իրաքի կառավարությանը՝ մերժել Թուրքիայի տարածքից իրականացվող ցանկացած ռազմական գործողություն, իսկ Անկարային՝ հետ կանչել իր ուժերը:

«Թուրքիայի խախտումները հակասում են սովորույթներին և միջազգային օրենքներին: Մենք Իրաքի կառավարությունից խնդրում ենք կանխել նման խախտումները և իրացնել սահմանադրությունից և օրենքներից բխող բոլոր իրավունքները: Մենք խնդրում ենք միջոցներ ձեռնարկել ազգային կամքի դրսևորման և Իրաքի անվտանգության, ինքնիշխանության և անկախության պաշտպանությունն ապահովող խորհրդարանական որոշման համար», - ասված է կազմակեպության տարածած հայտարարության մեջ:

Այլ շիական խմբավորումներ ևս դեմ են արտահայտվել թուրքական հարձակումներին և մեղադրել են Իրաքի կառավարությանը՝ թուլության համար, որը թույլ է տվել Թուրքիային խախտել Իրաքի ինքնիշխանությունը:

Քուրդիստանի աշխատավորական կուսակցությունը ԵՄ-ի, Միացյալ Նահանգների և Թուրքիայի կողմից ճանաչվել է ահաբեկչական խմբավորում: