Ճապոնիան ստիպված է դեն նետել կորոնավիրուսի դեմ Pfizer պատվաստանյութի մի մասը

15:39 • 16.02.21

Ճապոնիայում կորոնավիրուսի դեմ ամերիկյան Pfizer պատվաստանյութի մի մասը դեն է նետվելու, հայտնում է Reuters–ը։

Այս մասին երեքշաբթի՝ փետրվարի 16-ին, Տոկիոյում կայացած մամուլի ասուլիսի ընթացքում հայտարարել է երկրի նախարարների կաբինետի գլխավոր քարտուղար Կացունոբու Կատոն:

Պատճառն այն է, որ դեղամիջոցի մեկ սրվակը նախատեսված է վեց չափաբաժին պատվաստանյութի համար, սակայն Ճապոնիայում օգտագործվող ներարկիչները կարող են պարունակել պատվաստանյութի ընդամենը հինգ չափաբաժին, ուստի դեղերի մի մասը կմնա սրվակի մեջ:

Նախարարների կաբինետի գլխավոր քարտուղարն ասել է, որ կառավարությունը բժշկական սարքեր արտադրող ընկերություններին խնդրել է մեծացնել համապատասխան ներարկիչների արտադրությունը, սակայն դա այնքան էլ արագ գործընթաց չէ։ Բացի այդ, Ճապոնիայի իշխանությունները բանակցություններ են վարում աշխարհի մի քանի արտադրողների հետ՝ նման ներարկիչներ գնելու համար:

Անցյալ ամիս Ճապոնիան պայմանագիր էր կնքել BioTech ընկերության հետ, պատվաստանյութի 144 միլիոն չափաբաժին գնելու համար, ինչը բավարար է 72 միլիոն մարդու համար: Այնուամենայնիվ, ստեղծված իրավիճակից ելնելով, այս չափաբաժինները նախատեսված թվով մարդկանց համար կարող են բավարար չլինել: