Ստոլտենբերգը հայտարարել է արևելյան ուղղությամբ ՆԱՏՕ-ի զգալի ամրապնդման մասին

23:56 • 17.02.21

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը վերջին շրջանում զգալիորեն մեծացրել է իր ներկայությունը արևելյան սահմաններին, ներառյալ Բալթյան և Սևծովյան տարածաշրջանները, իսկ զսպող և պաշտպանական ծրագրերի ֆինանսավորումը կարող է էլ ավելի ամրապնդել ներկայությունը այս ռազմավարական ուղղության վրա: Այս մասին գրում է «ՌԻԱ Նովոստի» գործակալությունը:

 «Մենք էապես ամրապնդել ենք մեր հասցեական ներկայությունը, այդ թվում ՝ Բալթյան երկրներում, մենք վերահսկում ենք օդային տարածքը, իրականացնում ենք ծովային ներկայություն ՆԱՏՕ-ի երկրների տարբեր նավերի մասնակցությամբ, ԱՄՆ 3 նավ գտնվում է Սև ծովում»,-ասել է Ստոլտենբերգը՝ դաշինքի երկրների պաշտպանության նախարարությունների ղեկավարների մասնակցությամբ առաջին օրվա տեսաժողովի արդյունքներով:

Նա ավելացրել է, որ դաշնակից երկրները ավելի շատ ներդրումներ են կատարում նոր տեխնոլոգիաների ոլորտում: «Այսօր անօդաչու համակարգերը գործում են սահմանների երկայնքով, մասնավորապես արևելքում և հարավում: Սա ապահովում է մեր իրազեկության բարելավումը»,-բացատրել է դաշինքի գլխավոր քարտուղարը: