Ուկրաինայում կորոնավիրուսային իրավիճակի պատճառով սահմանված կարանտինը կերկարաձգվի մինչև ապրիլի 30-ը. ТАСС
Ուկրաինայի կառավարությունը մտադիր է երկրում սահմանված կարանտինը երկարաձգել մինչև ապրիլի 30-ը, հաղորդում է ТАСС-ը:
Նման որոշում է կայացվել՝ հաշվի առնելով երկրում կորոնավիրուսային ընթացիկ իրավիճակը:
Կառավարությունը մտադիր է նաև շրջանները դասակարգել՝ ըստ համաճարակային վտանգավորության աստիճանի:
Փետրվարի 17-ի դրությամբ՝ Ուկրանիայում հաստատվել է կորոնավիրուսով վարակման 1 276 618 դեպք, ապաքինվել է 1 122 968-ը, մահացել՝ 24 542:
Ուկրաինայում կորոնավիրուսի դեմ բնակչության պատվաստումները դեռ չեն մեկնարկել: Կառավարությունը հրաժարվել էր ռուսական արտադրության պատվաստանյութի գրանցումից և բանակցություններ են վարում այլ արտադրողների հետ:










