Բիլ Գեյթսը հայտարարել է, որ համավարակին վերջ տալու համար «միլիարդներ» են հարկավոր

10:51 • 20.02.21

Microsoft ընկերության հիմնադիր Բիլ Գեյթսը Մյունխենի անվտանգության համաժողովի ընթացքում ասել է, որ կորոնավիրուսային համավարակը դադարեցնելու համար պատվաստանյութեր արտադրող հաստատություններում միլիարդավոր դոլարների ներդրումներ պետք է անել: Համաժողովը տեղի է ունեցել փետրվարի 19-ին՝ առցանց ձևաչափով, և հեռարձակվել է համաժողովի յութուբյան ալիքով: Այս մասին հայտնում է iz.ru–ն։

«Մեզ ներդրումներ են պետք: Ոչ շատ միլիարդներ՝ համոզված լինելու համար, որ դա այլևս երբեք չի կրկնվի», - ասել է նա իր ելույթի ժամանակ:

Գործարարի կարծիքով, համավարակի ավարտի համար անհրաժեշտ է երկրների և կորպորացիաների միջև համագործակցություն զարգացնել: Գեյթսը շեշտել է, որ առաջիկա տարիներին աշխարհում հիմնական առաջնահերթությունները պետք է լինեն պատվաստանյութերի հավասար հասանելիությունը, ինչպես նաև ապագայում նման աղետները կանխելու համար դաշինքների ստեղծումը:

Հունվարի 27-ին Գեյթսը խոսել է հաջորդ համավարակին աշխարհի անպատրաստ լինելու մասին, որը կարող է 10 անգամ ավելի վատը լինել, քան կորոնավիրուսի հետ կապված իրավիճակը:

Միևնույն ժամանակ, նոյեմբերին, նա խոստովանել էր, որ երեք տարի անց կարող է սկսվել նոր համավարակ և նշել, որ մարդկությունը կարող է բախտավոր լինել և «այն տեղի կունենա 20 տարի անց»:

«Գեյթս» բարեգործական հիմնադրամը 650 միլիոն դոլար է հատկացրել կորոնավիրուսի դեմ պայքարին: Սա դարձել է անկախ հիմնադրամների կողմից արված ամենամեծ նվիրատվությունը: