Կատալոնիայի տարբեր քաղաքներում տեղի ունեցած բողոքի զանգվածային ակցիաների ընթացքում շուրջ 34 ակտիվիստ է բերման ենթարկվել

05:58 • 21.02.21

 

Իսպանական Կատալոնիայի տարբեր քաղաքներում տեղի ունեցած բողոքի զանգվածային ակցիաների ընթացքում շուրջ 34 ակտիվիստ է բերման ենթարկվել, հաղորդում է РИА Новости-ն:

«34 մարդ բերման է ենթարկվել հանրային անկարգությունների անցկացման հետ կապված գործողությունների համար»,- նշված է տեղի ոստիկանության հաղորդագրությունում:

Կատալոնիայում նախորդ օրվա ընթացքում տեղի ունեցող բողոքի զանգվածային ակցիաների ընթացքում առնվազն 9 մարդ է տուժել:

Բողոքի ակցիաներ են տեղի ունեցել կատալոնական տարբեր քաղաքներում, այդ թվում՝ Մադրիդում և Բարսելոնայում՝ ընդդեմ ռեփեր Պաբլո Ասելի ձերբակալության: Իսպանացի ռեփերին 9 ամիս ազատազրկման են դատապարտել ահաբեկչության քարոզչության և թագավորական ընտանիքի հասցեին Twitter-ում, ինչպես նաև YouTube-ում հրապարակված երգում հնչեցրած վիրավորական հրապարակումների համար: