Սիրիան գրանցել է «Սպուտնիկ V» պատվաստանյութը

17:26 • 22.02.21

Սիրիան գրանցել է ռուսական «Սպուտնիկ V» հակակորոնավիրուսային պատվաստանյութի օգտագործումը, «ՌԻԱ Նովոստի»-ի հետ զրույցում հայտնել է Ռուսաստանում երկրի դեսպան Ռիադ Հադադը:

«Դամասկոսը ձեռնարկել է բոլոր միջոցները Սիրիայում ռուսական պատվաստանյութը գրանցելու համար և հաստատել է դրա օգտագործումը», - ասել է Հադադը:

Հիշեցնենք՝ ներկայում ԵՄ շուկայում թույլատրվում են Pfizer/BioNTech (գնվել է շուրջ 600 միլիոն դեղաչափ), Moderna (գնվել է 160 միլիոն դեղաչափ) և AstraZeneca (գնվել է մոտ 400 միլիոն դեղաչափ) ընկերությունների կողմից արտադրված պատվաստանյութերը: Բացի այդ, Եվրոպական հանձանաժողովը ԵՄ-ին պատվաստանյութեր մատակարարելու առնչությամբ պայմանագրեր է կնքել Johnson & Johnson, Sanofi-GSK, CureVac ընկերությունների հետ:

Ինչպես ավելի վաղ տեղեկացրել էր Tert.am-ը, Ռուսաստանի առողջապահության նախարարությունն օգոստոսին գրանցել էր կորոնավիրուսի դեմ աշխարհում առաջին պատվաստանյութը, որը մշակվել Է Գամալեայի անվան համաճարակաբանության և մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի հետ համատեղ: Այն ստեղծվել Է մարդու ադենովիրուսային վեկտորների բազայի վրա և ստացել Է «Սպուտնիկ V» անվանումը: Այն լուծույթ Է՝ միջմկանային ներարկման համար: