Տեղի ունեցավ «Լավագույն Հայկական բրենդ 2020» ամենամյա մրցանակաբաշխությունը

«Մեգերյան Կարպետ» մշակութային համալիրում գույնզգույն գորգերի ֆոնին հավաքվել էին հայկական շոու բիզնեսի ներկայացուցիչները, գործարարները, արվեստագետները, հայրենական շուկայի առաջատարները՝ միասին ծանոթանալու լավագույն Հայկական բրենդներին: Համանուն ամենամյա մրցանակաբաշխության՝ «Լավագույն Հայկական Բրենդ 2020»-ի լավագույն հայրենական արտադրողներն ու ծառայություն մատուցող ընկերությունները ընտրվել էին՝ 2020 թվականի օգոստոս-սեպտեմբեր ամիսներին «Գելլափ Ինթերնեյշնլ Ասոցիացիա»-ի հայաստանյան ներկայացուցիչ «Էմ Փի Ջի» ընկերության իրականացրած հեռախոսային հարցումների արդյունքների հիման վրա։ Մրցանակաբաշխությունը կազմակերպեց Մարքեթինգի Հայկական Ասոցիացիան, որի նախագահն է Արամ Նավասարդյանը, իսկ Մրցանակաբաշխության գլխավոր պրոդյուսերը Էդգար Այվազյանն է:

«Մեր առաջ խնդիր էինք դրել անցկացնել Պրեմիում մրցանակաբաշխություն, և այդ ուղղությամբ ջանքեր գործադրեցինք։ Մրցանակները պատրաստելու համար մեզ աջակցեց «3D Իմպեքս» հայ-բելգիական ընկերությունը, որն ունի առանձնացող ձեռագիր և որակ, «Լավագույն հայկական բրենդ 2020» մրցանակաբաշխությունն իրականացավ նաև մեր Պատվավոր գործընկերների՝  «SANITA» մաքրող միջոցների,  «ԲԵԿՈՆ ՊՐՈԴՈՒԿՏ» մսամթերքի էքսկլյուզիվ ու մեծ տեսականի արտադրող և արտահանող ընկերության և «Մեգերյան կարպետ» մշակութային համալիրի աջակցությամբ»,- պատմում է մրցանակաբաշխության գլխավոր պրոդյուսեր Էդգար Այվազյանը:

«Լավագույն Հայկական բրենդ 2020»-ը մինչև իրականություն դառնալը անցավ մի քանի փորձության միջով: Համավարակով պայմանավորված սահմանափակումները, պատերազմն ու հետևանքները անհնար էին դարձնում մտահաղացման իրականացումը։ Թվում էր, թե մրցանակաբաշխություն անցկացնելն անիմաստ է, սակայն նման նախաձեռնությունները կարող են լինել հայրենական արտադրողներին և հայկական տարբեր ընկերություններին քաջալերելու կարևոր ազդակ՝ պետության հզորացմանն ուղղված իրենց ջանքերը կրկնապատկելու համար։

“The Best Armenian Brand 2020” նախագծի նպատակն է ընդգծել հայկական արտադրողների և ծառայությունների բարձր որակը, նաև քաջալերել ընկերություններին՝ լինել ավելի մրցունակ իրենց ոլորտում:

Ներկայացնում ենք «Լավագույն Հայկական բրենդ 2020» Ամենամյա  Մրցանակաբաշխության լավագույնի կոչմանն արժանացած հայրենական արտադրողներին և ծառայություն մատուցող ընկերություններին:

«Տարվա լավագույն ապահովագրական ընկերություն» անվանակարգում լավագույնն էր «ՌՈՍԳՈՍՍՏՐԱԽ ԱՐՄԵՆԻԱ» ընկերությունը:  «Տարվա լավագույն հրուշակեղեն և տորթ արտադրող ընկերություն» անվանակարգում «ԴԱՆ ԴԵՍԵՐՏ» հրուշակեղենի ձեռնարկությունը: «Տարվա լավագույն վճարային համակարգ» դարձավ «ԹԵԼ-ՍԵԼ» ընկերությունը:

Այսպիսով ներկայացնենք նաև մյուս անվանակարգերն ու դրանց հաղթողներին:

«Տարվա լավագույն  ռադիոկայան» ՝ «ՌԱԴԻՈ ՎԱՆ», FM-103.1: 

«Տարվա լավագույն սուրճ արտադրող ընկերություն»` «ՌՈՅԱԼ ԱՐՄԵՆԻԱ» ընկերություն:

«Տարվա լավագույն մարզաառողջարարական համալիր»՝ «ՄՈՒԼՏԻ ՎԵԼՆԵՍ» կենտրոն:

«Տարվա լավագույն ոսկյա զարդերի առևտրի կենտրոն»՝  «ՈՍԿՈՒ ԱՇԽԱՐՀ» առևտրի կենտրոն:

«Տարվա լավագույն էլեկտրատեխնիկայի  խանութների ցանց» ՝ «ՎԵԳԱ» ընկերություն:

«Տարվա  բջջային հեռախոսների լավագույն խանութների ցանց»՝  «ՄՈԲԱՅԼ ՍԵՆԹՐ» ընկերություն:

«ՏԱՐՎԱ Լավագույն ԲԱՆԿ»՝ «ԱԿԲԱ ԲԱՆԿ» ԲԲԸ:  

«Տարվա լավագույն գինի արտադրող ընկերություն»՝ «ԱՐՄԵՆԻԱ ՎԱՅՆ» ընկերություն

«Տարվա լավագույն արագ սննդի ցանց»՝ «ԿԱՐԱՍ» ազգային սննդի ցանց:

«Տարվա լավագույն հեռուստաընկերություն»՝ «ԱՐՄԵՆԻԱ TV» հեռուստաընկերություն:

Լավագույնը ճանաչված ընկերություններին հանձնվեց երկլեզու՝ հայերեն և անգլերեն պատվոգրեր: Կարևոր համարելով ազգայինը՝ միջոցառման անցկացման համար ընտրվել էր հայկական գորգագործության արվեստի պահպանման հայտնի կենտրոնը՝ «Մեգերյան  կարպետ» համալիրը: Մրցանակաբաշխությունը շոուի չվերածելու նպատակով հրավիրվել էր մեկ կատարող՝  էթնո-փոփ ժանրի երգչուհի Գաբի Գալոյանը։ Մրցանակաբաշխությունը վարեց հայտնի հաղորդավար Վահե Խանամիրյանը: Իսկ մրցանակները հանձնեցին պատվարժան մարդիկ, որոնց թվում էին նաև տարբեր ասոցիացիաների նախագահներ, առաջատար մասնագետներ և փորձագետներ:

Մրցանակաբաշխությունը կհեռարձակվի «Արմենիա» և Արմենիա Պրեմիում հեռուստաընկերությունների եթերում։

Լրագրող՝ Լուսինե Զարայելյան