Հունաստանում ներգաղթյալների ճամբարում հրդեհի հետևանքով 6–ամյա տղա է մահացել (լուսանկար)
Անցած գիշեր հրդեհ է բռնկվել Հունաստանի Թեբե քաղաքում գտնվող Հարադինինի ներգաղթյալների ճամբարում: Հաստատությունը գտնվում է մայրաքաղաքից մոտ 90 կիլոմետր հեռավորության վրա:
Այս մասին տեղեկացնում է Greek City Times–ը։ Հրդեհի հետևանքով 6–ամյա տղա է զոհվել։ Տղային հաջողվել է դուրս բերել կրակի միջից, սակայն նա արդեն չի շնչել:
Հրդեհը բռնկման պատճառներն անհայտ են: Երբ հրշեջ ջոկատը ժամանել է դեպքի վայր, նրանց վրա են հարձակվել ճամբարում տեղավորված ներգաղթյալները, որի համար էլ դեպքի վայր են ուղարկվել ոստիկանության հատուկջոկատայիններ՝ լարվածությունը ճնշելու համար, որպեսզի հրշեջները կարողանան գործել և մարել կրակը:










