Եգիպտոսը գրանցել է «Սպուտնիկ V» պատվաստանյութը

16:36 • 24.02.21

Եգիպտոսը արագացված ընթացակարգով գրանցել է ռուսական հակակորոնավիրուսային «Սպուտնիկ V» պատվաստանյութը, փոխանցում է «ՌԻԱ Նովոստի»-ն՝ երկրի դեղերի վարչությունը հղումով:

Միևնույն ժամանակ, նշվում է՝ երկրի իշխանությունները հավանություն են տվել նաև բրիտանական AstraZeneca ընկերության կողմից ստեղծած հակակորոնավիրուսային դեղամիջոցի օգտագործմանը:

Հիշեցնենք՝ ներկայում ԵՄ շուկայում թույլատրվում են Pfizer/BioNTech (գնվել է շուրջ 600 միլիոն դեղաչափ), Moderna (գնվել է 160 միլիոն դեղաչափ) և AstraZeneca (գնվել է մոտ 400 միլիոն դեղաչափ) ընկերությունների կողմից արտադրված պատվաստանյութերը: Բացի այդ, Եվրոպական հանձանաժողովը ԵՄ-ին պատվաստանյութեր մատակարարելու առնչությամբ պայմանագրեր է կնքել Johnson & Johnson, Sanofi-GSK, CureVac ընկերությունների հետ:

Ինչպես ավելի վաղ տեղեկացրել էր Tert.am-ը, Ռուսաստանի առողջապահության նախարարությունն օգոստոսին գրանցել էր կորոնավիրուսի դեմ աշխարհում առաջին պատվաստանյութը, որը մշակվել Է Գամալեայի անվան համաճարակաբանության և մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի հետ համատեղ: Այն ստեղծվել Է մարդու ադենովիրուսային վեկտորների բազայի վրա և ստացել Է «Սպուտնիկ V» անվանումը: Այն լուծույթ Է՝ միջմկանային ներարկման համար: