Ուկրաինայի հիվանդանոցներից մեկում պայթյուն է որոտացել. կա զոհ (տեսանյութ)
Ուկրաինական Չեռնովցի քաղաքի թիվ 1 հիվանդանոցում, որտեղ բուժում են ստանում կորոնավիրուսով հիվանդ անձինք, պայթյուն է որոտացել, հայտարարել է շրջվարչակազմի ղեկավարի տեղակալ Նատալյա Գուսակը, գրում է «ՌԻԱ Նովոստի»-ն:
«Արտակարգ իրավիճակ... կան զոհեր: Ես արդեն դեպքի վայրում եմ, զբաղվում եմ հիվանդների՝ այլ հիվանդանոցներում հոսպիտալացնելու հարցով»,- իր ֆեյսբուքյան էջում գրել է Գուսակը:
Նշվում է՝ թթվածնային խողովակի պայթյունը որոտացել է հիվանդանոցի 5-հարկանի շենքի երկրորդ հարկում գտնվող բաժանմունքում: Նախնական տվյալներով՝ 1 մարդ զոհվել է, 1-ը՝ վիրավորվել, ևս 20 անձ տարհանվել է:
Հրդեհն արդեն մարվել է: Դեպքի հանգամանքները ճշտվում են:
Տեսանյութը կարող եք դիտել այստեղ:










