Նիկոլ Փաշինյանից անհապաղ պահանջում ենք հրապարակել ապացույց՝ Օնիկ Գասպարյանի կողմից Սերժ Սարգսյանի հրամանը կատարելու վերաբերյալ․ Էդմոն Մարուքյան

21:06 • 01.03.21

Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան գրառում է արել, որում անդրադարձել է Նիկոլ Փաշինյանի՝ այսօրվա հանրահավաքում հնչեցրած հայտարարությանը, թե ԶՈՒ ԳՇ պետ Օնիկ Գասպարյանը, Փաշինյանի հրաժարականը պահանջող հայտարարությունն անելով, կատարել է Սերժ Սարգսյանի հրամանը։ Գրառման մեջ ասվում է․

«Նիկոլ Փաշինյանը հայտարարեց, որ ԳՇ պետ Օնիկ Գասպարյանը կատարել է Սերժ Սարգսյանի հրամանը՝ հայտնի հայտարարությունը տարածելիս։

Նիկոլ Փաշինյանից անհապաղ պահանջում ենք հրապարակել ապացույց՝ Օնիկ Գասպարյանի կողմից Սերժ Սարգսյանի հրամանը կատարելու վերաբերյալ։

Արտահերթ ընտրությունների վերաբերյալ երեկվա առաջարկս ուժի մեջ է»։