Հս. Կորեան փորձում է թաքցնել գաղտնի միջուկային օբյեկտը․ ամերիկյան հետախուզություն (լուսանկարներ)

15:14 • 04.03.21

Ամերիկյան հետախուզության հաղորդմամբ՝ արբանյակային նոր լուսանկարները ցույց են տալիս, որ Հյուսիսային Կորեան փորձում է թաքցնել գաղտնի միջուկային օբյեկտը, գրում է Mirror-ը։

Միդլբերի ինստիտուտի փորձագետի խոսքով՝ «Ճգնավորների թագավորությունը» (նկատի ունի երկրի իշխանություններին) Յոնդոկտոնի մոտակայքում գտնվող գաղտնի միջուկային օբյեկտի ստորգետնյա թունելների մուտքերը թաքցնելու նպատակով դրա շուրջ նոր կառույցներ է կառուցում։

«Առաջին լուսանկարները, որոնք արվել էին 2019 թվականի դեկտեմբերին, ցույց են տալիս թունելի մի քանի մուտք, իսկ 2021 թվականի փետրվարին արված լուսանկարներում դրանց վրա շենք է կառուցված»,-ասել է փորձագետը։

Ինչպես նշում է պարբերականը, երկրի նախագահ Ջո Բայդենի քննադատներն այդ լուսանկարների հրապարակումից հետո պահանջում են Հյուսիսային Կորեայի առաջնորդ Կիմ Չեն Ընի դեմ պայքարի ծրագիր ներկայացնել։

Satellite images suggest North Korea is hiding a nuclear weapons storage siteSatellite images suggest North Korea is hiding a nuclear weapons storage site