Ղազախստանում հանքավայրից ավելի քան 288 000 դոլարի ոսկի է գողացվել

17:42 • 05.03.21

Ղազախստանի Ակմոլինսկի շրջանում ՆԳՆ-ն նախաքննություն է սկսել «Ղազախալտըն» ԲԲԸ-ից կաթոդային ոսկու գողության դեպքի վերաբերյալ: Այս մասին տեղեկացնում է «Ինտերֆաքսը»` հղում տալով ոստիկանությանը:

Նախապես հաստատվել է, որ 122 միլիոն տենգե (ավելի քան 288 000 դոլար) արժողությամբ ոսկին գողացվել է մարտի 2-ի գիշերը:

Նախաքննությունը վարվում է «Գողություն» հոդվածով:

«Ստեղծվել է հատուկ քննչական-օպերատիվ խումբ քրեական ոստիկանության և հետաքննության փորձառու աշխատակիցներից՝ այս հանցագործության կատարմանը ներգրավված անձանց հայտնաբերելու և հաստատելու համար»,-հստակեցրել են ոստիկանության մամուլի ծառայությունից: