Նոր Զելանդիայի ափերի մոտ 6,2 մագնիտուդ ուժգնությամբ երկրաշարժ է տեղի ունեցել
Այսօր նորզելանդական Կերմադեկ արշիպելագի ափերի մոտ 6,2 մագնիտուդ ուժգնությամբ երկրաշարժ է տեղի ունեցել, ԱՄՆ Երկրաբանական ծառայությանը հղումով գրում է ria.ru-ն։
Երկրաշարժը գրանցվել է տեղական ժամանակով ժամը 12։05-ին։ Օջախը գտնվել է 10 կմ խորության վրա։
Երկրաբանական ծառայությունը երկրաշարժի հետևանքների սպառնալիքի «կանաչ մակարդակ» է հայտարարել, որը ենթադրում է զոհերի և տնտեսական վնասի փոքր հավանականություն։
Նշենք, որ շաբաթվա ընթացքում այդ տարածաշրջանում տեղի է ունեցել 4 հզոր երկրաշարժ, որոնցից ամենահզորը եղել է 8,1 մագնիտուդ ուժգնությամբ։










