Միջուկային գործարքի բանակցություններին վերադառնալու միակ պայմանն Իրանի դեմ սահմանված պատժամիջոցները չեղարկելն է. փոխարտգործնախարար

19:14 • 11.03.21

Իրանի փոխարտգործնախարար Սեյեդ Աբաս Արաղչին վերահաստատել է, որ իրանական միջուկային ծրագրի շուրջ բանակցությունները վերսկսելու պայմանն Իրանի դեմ սահմանված ամերիկյան պատժամիջոցների վերացումն է:

Ինչպես փոխանցում է «Մեհր» գործակալությունը, հանդես գալով նման հայտարարությամբ՝ դիվանագետը շեշտել է, որ միջուկային գործարքին հավատարիմ մնալ նշանակում է, որ ոչ մի բառ չի ավելանա համաձայնագրին և չի պակասի դրանից:

«2018 թվականի մայիսի 8-ին Թրամփի վարչակազմի նախաձեռնությամբ ԱՄՆ-ի միակողմանի դուրս գալն իրանական միջուկային գործարքից ոչ մի լավ բանի չի հանգեցրել Սպիտակ տան համար անցյալ երկու տարում, և նոր վարչակազմը՝ Բայդենի ղեկավարության ներքո, վերջնականապես որոշել է միակողմանի դուրս գալ այս գործարքից»,- քննադատել է Արաղչին:

Հիշեցնենք, Բայդենի վարչակազմն օրեր առաջ հայտարարել է, որ ևս մեկ տարով երկարաձգում է Իրանի դեմ սահմանված պատժամիջոցները: