Tesla-ի գործարանում hրդեհ է բռնկվել. նույն գործարանում հրդեհ էր բռնկվել նաև 2019-ին և 2018-ին (տեսանյութ)  

10:02 • 12.03.21

Հինգշաբթի երեկոյան հրդեհ է բռնկվել ԱՄՆ Կալիֆոռնիա նահանգի Ֆրիմոնտ քաղաքում գտնվող Tesla  ընկերության գործարանում, որտեղ էլեկտրամեքենաներ են արտադրվում:

Ինչպես փոխանցում է Fox News-ը, քաղաքի հրշեջ ծառայությունից հայտնել են, որ հրդեհը բռնկվել էր գործարանի այն հատվածում, որը դեռ կառուցման փուլում է գտնվում: Հրապարակված կադրերում երևում է գործարանի հյուսիսային հատվածի տանիքից բարձրացող ծուխը:

Հրդեհը մարվել է, գործարանի աշխատակիցները չեն տուժել: Հեռուստաալիքի հաղորդմամբ՝ սա նույն գործարանն է, որտեղ հրդեհներ էին բռնկվել 2019 և 2018 թվականներին: