ԱՄՆ-ում կորոնավիրուսից մահացությունների թիվն իրականում ավելի շատ է, քանի ներկայացվել է. The Wall Street Journal

13:00 • 15.03.21

ԱՄՆ մի շարք նահանգներում վերահաշվարկի ժամանակ հայտնի է դարձել կորոնավիրուսից մահացության դեպքերի ավելի մեծ քանակի մասին, որոնք նախկինում չեն գրանցվել վիճակագրության  անցկացման նոր մոտեցման պատճառով, հայտնում է The Wall Street Journal-ը:

Մասնավորապես, փետրվարին Օհայո նահանգում բացահայտվել է ևս 4000, իսկ Ինդիանայում՝ 1500 մահվան դեպք, որոնք նախկինում չեն ներկայացվել: Վերահաշվարկ է կատարվել նաև Ռոդ Այլենդ,  Վիրջինիա և Մինեսոտա նահանգներում:

Նշվում է՝ ցուցանիշների անճշտությունը կապված է այն համակարգի թերացման հետ, որը երկրներն օգտագործում են ներպետական վիճակագրությունը հրապարակելու համար: Վերջինս աշխատում է իրական ժամանակի ռեժիմով, որի պատճառով հաշվի չեն առնվում կորոնավիրուսից այն մահացության դեպքերը, որոնք հայտնի են դառնում ավելի ուշ՝ բժշկական հետազոտության ընթացքում: 

Հիշեցնենք՝ Ջոնս Հոփկինսի համալսարանի վերջին տվյալներով՝ ԱՄՆ-ում, ընդհանուր առմամբ, հայտնաբերվել է կորոնավիրուսով հիվանդացության 29 438 775 դեպք, որի հետևանքով մահացել է 534 888 մարդ: