Փորձագետը նշել է, թե երբ կվերջանան մոլորակի նավթի պաշարները
Չինաստանի Հարավային տեխնոլոգիական համալսարանի նախագահ, Չինաստանի գիտությունների ակադեմիայի անդամ Սյու Ցիկունն այն կարծիքին է, որ Երկրի վրա բրածո էներգիայի պաշարները, ինչպիսիք են նավթը, ածուխը և բնական գազը, կսպառվեն 50 տարի հետո:
Այս մասին գրում է «ՌԻԱ Նովոստի»-ին՝ չինական The Paper-ին հղումով:
Նա, մասնավորապես, նշել է՝ վերջին 250 տարվա ընթացքում աշխարհում արդյունաբերական երեք հեղափոխություն է տեղի ունեցել բրածո էներգիայի աղբյուրների արդյունահանման ծավալների աճի ֆոնին:
Հաշվի առնելով այս փաստը, ինչպես նաև համաշխարհային տնտեսության զարգացման տեմպերը՝ գիտնականը հաշվարկել է, որ ածխաջրածնային ռեսուրսները մեր մոլորակի վրա կսպառվեն հաջորդ 50 տարիների ընթացքում:
Այս առումով նա կոչ է արել փոխարինել սովորական բրածո էներգիայի աղբյուրներն այլընտրանքային էներգիայի աղբյուրներով`առաջընթացի ներկա մակարդակը պահպանելու համար:
Մասնավորապես, նա նկատի է ունեցել արեգակնային էներգիան, որը, ըստ փորձագետի, գրեթե անհնար է սպառել: Բացի այդ, նա առաջարկել է գնահատել ածուխն ու բնական գազը ջրածնային վառելիքով փոխարինելու հնարավորությունը:










