Ճապոնիան խնդրում է Օլիմպիական խաղերին մասնակցող երկրներից Տոկիո մեկնել պատրաստվող պատվիրակությունների մասնակիցների թիվը սահմանափակել
Ճապոնիան կորոնավիրուսային իրավիճակի պատճառով խնդրում է Օլիմպիական խաղերին մասնակցող երկրներից Տոկիո մեկնել պատրաստվող ուղեկցող պատվիրակությունների մասնակիցների թիվը սահմանափակել, հաղորդում է ТАСС-ը:
Առաջին հերթին այդ պատվիրակությունները մասնակցելու են խաղերի բացման և փակման պաշտոնական արարողություններին:
Ճապոնիայում պատրաստվում են դիմավորել, մասնավորապես, Ֆրանսիայի նախագահ Էմանուել Մակրոնի ղեկավարած պատվիրակությանը, քանի որ հաջորդ Օլիմպիական խաղերը կանցկացվեն Փարիզում:
Ճապոնական կողմը որպես պատվիրակությունների կազմի առավելագույն թիվ են սահմանել 12-ը:










