Կոլորադոյում անհայտ անձը կրակ է բացել խանութի հարևանությամբ գտնվող կայանատեղիում
ԱՄՆ Կոլորադո նահանգում գտնվող Բոուլդեր քաղաքում անհայտ անձը կրակ է բացել մթերային խանութի հարևանությամբ գտնվող կայանատեղիում: Այս մասին Gazeta.ru-ի փոխանցմամբ հայտնում է ABC News-ը:
Իրավապահ մարմինների աղբյուրը հեռուստաալիքին հայտնել է, որ ոստիկանությունը հաղորդում է ստացել այն մասին, որ մի մարդ կրակ է բացել սուպերմարկետի մոտակայքում գտնվող կայանատեղիում:
Ինչպես նշվում է, անհայտ անձը սկսել է կրակել դեպքի վայր ժամանած ոստիկանության ծառայողների ուղղությամբ:
Twitter-ում Բոուլդերի ոստիկանությունը խնդրել է տեղի բնակիչներին խուսափել այն շրջանից, որտեղ գրանցվել է միջադեպը:
Զոհերի և վիրավորների մասին տեղեկություններ դեռ չեն հաղորդվում:










