Երևանում ճակատ-ճակատի բախվել են ВАЗ 21144-ն ու Nissan March-ը, վերջինիս վարորդը վարորդական իրավունքի վկայական չի ունեցել, ավտոմեքենայի ԱՊՊԱ-ն էլ ժամկետանց է եղել. shamshyan.com

23:58 • 24.03.21

Այսօր՝ մարտի 24-ին,  խոշոր ավտովթար է տեղի ունեցել Երևանում: Ժամը 21:20-ի սահմաններում Դավիթ Բեկ փողոցում ճակատ-ճակատի բախվել են 34-ամյա Համլետ Պապիկյանի վարած ВАЗ  21144 մակնիշի և 22-ամյա Գևորգ Սարգսյանի վարած  Nissan March մակնիշի ավտոմեքենաները:

Ինչպես տեղեկացնում է shamshyan.com-ը, բախման հետևանքով, ըստ նախնական տեղեկությունների, բարեբախտաբար, տուժածներ չկան: 

Փրկարարները հոսանքազրկել են ավտոմեքենաները և սահմանազատել տարածքը:

Ֆոտոլրագրողի  տեղեկություններով՝  Nissan March–ի վարորդը վարորդական իրավունքի  վկայական չի ունեցել, ավտոմեքենայի ԱՊՊԱ-ն էլ ժամկետանց է եղել:

Մանրամասները՝ սկզբնաղբյուրում: