Սեյշելյան կղզիները բացել է սահմանները զբոսաշրջիկների համար. կարանտինի և պատվաստման վկայագրի պահանջները չեղարկվել են
Սեյշելյան կղզիները բացել է սահմաններն օտարերկրյա զբոսաշրջիկների համար՝ չեղարկելով կարանտինը և պատվաստումների վկայագրերի պահանջը: Այս մասին տեղեկացնում է korrespondent.net կայքը:
Սեյշելյան կղզիների արտաքին գործերի և զբոսաշրջության նախարար Սիլվեստեր Ռադեգոնդեն ավելի վաղ հայտարարել էր, որ զբոսաշրջիկների մուտքի նոր ռեժիմով մնում է միայն կորոնավիրուսի PCR թեստի պահանջը: Դա պետք է արվի հավաստագրված լաբորատորիայում երկիր ժամանելուց 72 ժամ առաջ:
Տեղեկանքը պետք է ներկայացվի թղթային ձևով`անգլերենով, բնօրինակ կնիքով:
Բացի այդ, ճանապարհորդները պետք է պարտադիր բժշկական թույլտվություն ստանան Սեյշելյան կղզիների առողջապահության վարչությունից՝ seychelles.govtas.com կայքում:
Դիմում ներկայացնելը վճարովի է. մեծահասակի համար վճարը կազմում է 45 եվրո, իսկ մինչև 12 տարեկան երեխայի համար`5 եվրո: Անհրաժեշտ է կայք ներբեռնել անձնագրի տվյալները, թռիչքի, բնակության վայրի մասին տեղեկությունները, թեստի արդյունքները և բժշկական ապահովագրությունը:
Հայտը քննարկելու ժամկետը չի գերազանցում 6 ժամը:










