Զելենսկին ուկրաինացիներին նախապատրաստում է պարտիզանական պատերազմի. լրատվամիջոցներ

10:54 • 27.03.21

Ուկրաինայի նախագահ Վլադիմիր Զելենսկին քաղաքացիներին հանձնարարել է պատրաստվել պարտիզանական պատերազմի:

Այս եզրակացությանն է հանգել «Ստրանա» հրատարակությունը՝ վերլուծելով ռազմական անվտանգության նոր ազգային ռազմավարությունը, գրում է «ՌԻԱ Նովոստի»-ն:

Փաստաթղթում հիմնական շեշտադրումները հետևյալն են՝ ամբողջ բնակչության ռազմականացում և և պատերազմի երկրի  տարածքում:

Փաստաթղթում «դիմադրության շարժում» բառակապակցությունը կարելի է նկատել 10 անգամ, իսկ «տարածքային պաշտպանությունը»՝ 34 անգամ»,- նշում է «Ստրանա»-ն: Տեքստից պարզ է դառնում, որ ռազմավարության հիմքը համաժողովրդական պատերազմի անցկացումն է, այդ թվում նաև պարտիզանական և ընդհանուր զորքային: 

Ինչպես ավելի վաղ տեղեկացրել էր Tert.am-ը, հինգշաբթի Զելենսկին հաստատել էր Ուկրաինայի ռազմական անվտանգության ռազմավարությունը, որը նախատեսում է երկրի անդամակցությունը ՆԱՏՕ-ին, երկրի տարածքի մի մասի ժամանակավոր «օկուպացիայի» ավարտ, ինչպես նաև ագրեսիան զսպելու պատրաստակամություն:

Փաստաթղթում ասվում է, որ «ազգային մակարդակում Ռուսաստանի Դաշնությունը մնում է Ուկրաինայի ռազմական թշնամին»:

Ռազմավարությունը ասվում է նաև, որ Մոսկվան ենթադրաբար սպառնում է Ուկրաինայի պետական ինքնիշխանությանը և տարածքային ամբողջականությանը՝ փորձելով խոչընդոտել եվրոպական և եվրաատլանտյան ինտեգրացիային և վերականգնել իր ազդեցությունը:

Փաստաթղթի հեղինակների կարծիքով՝ Ռուսաստանի արտաքին քաղաքականությունը կարող է հանգեցնել «Ուկրաինայի դեմ զինված ագրեսիայի հետագա սրմանը և Եվրոպայում միջազգային զինված բախում հրահրելուն»: