Աթենքի բնակչուհին «AstraZeneca» ընկերության հակակորոնավիրուսային պատվաստանյութն ընդունելուց հետո մահացել է. ТАСС

02:14 • 31.03.21

Աթենքի բնակչուհին «AstraZeneca» ընկերության հակակորոնավիրուսային պատվաստանյութն ընդունելուց հետո մահացել է, ТАСС-ի փոխանցմամբ՝ հաղորդում է «Прото тема» թերթը:

Հաղորդվում է, որ Աթենքի բնակչուհին 64 տարեկան է եղել, ունեցել է քրոնիկ հիվանդություններ: Ըստ բժիշկների՝ մահը կապ չունի պատվաստման հետ:

Թերթի տեղեկություններով՝ Աթենքի բնակչուհուն անգիտակից վիճակում գտել են պատվաստվելուց կես ժամ անց՝ Իլիոնի շրջանի պոլիկլինիկայի հարակից այգում: Դեպքի վայր հասած բժիշկները փորձել են փրկել կնոջ կյանքը, բայց ապարդյուն:

Ըստ Հունաստանի առողջապահության նախարարության՝ 64-ամյա կնոջ մահվան և պատվաստման միջև կապ չի նկատվում: Հույն բժիշկները հայտնել են, որ  պատվաստված անձանց մոտ թրոմբի հայտնաբերման դեպքերը «AstraZeneca» ընկերության հակակորոնավիրուսային պատվաստանյութն ընդունելուց հետո 7-14 օրվա ընթացքում են հայտնաբերվել: