Ռուսաստանում գործատուների միայն 3%-ն է պատրաստ աշխատանքի ընդունել 50-անց մարդկանց
Ռուսաստանում անցկացված հետազոտության արդյունքներով՝ գործատուների միայն 3%-ն է պատրաստ աշխատանքի ընդունել 50-անց մարդկանց, հաղորդում է ТАСС-ը:
Հետազոտությունն իրականացրել են «ЮKassa», «Работа.ру» և «СберУслуги» ծառայությունները՝ 2020 թ. մարտից մինչև 2021 թ. մարտն ընկած ժամանակահատվածում:
Ռուսաստանի բոլոր շրջաններից ավելի քան 1000 գործատուների շրջանում անցկացված հարցումների համաձայն՝ ամենանախընտրելին 25-49 տարիքային միջակայքն է, որը գերադասելու օգտին արտահայտվել է հարցվածների 92%-ը: Միայն 5%-ն է նշել, որ նախընտրում է աշխատանքի ընդունել 18-24 տարեկան աշխատակիցների:
Ամենակարևոր առավելությունը գործատուները համարել են թեկնածուների տրամադրվածությունը կազմակերպությունում երկար աշխատելու հարցում, այդ իսկ պատճառով էլ 54%-ը դիտարկում է որոշակի տարիքային խմբի ներկայացուցիչների ուղարկած ռեզյումեները:
Հարցվածների 53%-ը պատասխանել է, որ տարիքը ազդում է աշխատունակության վրա, իսկ 44%-ը կարծում է, որ տարիքից է կախված հմտությունների պիտանելիությունը:










