«Ռամադանից հետո կայցելենք Շուշի». Էրդողան

17:19 • 31.03.21

Թուրքիայի նախագահ Ռեջեփ Թայիփ Էրդողանը հայտարարել է աշնանն Արցախյան պատերազմի հետևանքով Ադրբեջանի վերահսկողության տակ անցած Շուշի քաղաք այցելելու մտադրության մասին, գրում է ՏԱՍՍ-ը:

«Ակնկալում ենք, որ Ռամադանից հետո մենք շատ մոտ ապագայում կայցելենք Շուշի, որտեղ  կկարողանանք զգալ տոնի նոր շունչը», - ասել է նա Թյուրքալեզու պետությունների համագործակցության խորհրդի գագաթաժողովի ժամանակ, որն ընթանում է տեսակոնֆերանսի ձևաչափով:

Բացի այդ, նա հավելել է՝ «կարևոր է շարունակել Ադրբեջանին աջակցությունը բոլոր միջոցներով՝ Ղարաբաղում թուրքական կառույցների վերականգնման ու պահպանման համար»: