ԱՄՆ 2 քաղաքացի ձերբակալվել է «Իսլամական պետություն» ահաբեկչական խմբավորմանը միանալու և Միացյալ Նահանգներում ահաբեկչություններ իրականացնելու նպատակ ունենալու կասկածանքով

06:47 • 02.04.21

ԱՄՆ իշխանությունները Միացյալ Նահանգների երկու քաղաքացու են ձերբակալել, որոնք պատրաստվել են Մերձավոր Արևելք մեկնել «Իսլամական պետություն» ահաբեկչական խմբավորման շարքերը համալրելու նպատակով, հաղորդում է ТАСС-ը:

Հաղորդվում է, որ ամերիկյան իրավապահ մարմինների ունեցած տվյալներով՝ ձերբակալվածներ Ջեյմս Բրեդլին և նրա կինը՝ Արվա Մուտանան, Նյու Ջերսի նահանգի նավահանգստում են ձերբակալվել, իսկ մինչ այդ տևական ժամանակ նրանք հատուկ ծառայությունների ուշադրության ներքո են գտնվել:

Ըստ տեղեկությունների՝ տղամարդն ավելի վաղ, ենթադրաբար, ԻՊ-ին հավատարմություն է հայնտել ու ահաբեկիչներին միանալու ցանկություն է հայտնել:

Հատուկ ծառայությունները նաև փաստեր են ունեցել, որ ԻՊ-ին միանալ պատրաստվող քաղաքացիները մտադիր են եղել հետագայում ահաբեկչական գործողություններ իրականացնել ԱՄՆ-ում: