Ոստիկանությունը հանեց «Ազատագրում» շարժման՝ Դեմիրճյան փողոցում գտնվող վրանները. վեց անձ բերման է ենթարկվել

16:24 • 03.04.21

 

Ոստիկանությունն ուժ գործադրելով հանեց Դեմիրճյան փողոցում գտնվող «Ազատագրում» շարժման վրանները:

Ոստիկանության աշխատակիցը մոտեցավ շարժման մասնակցին, նշելով, որ պետք է ազատեն փողոցը, քանի որ տարածքը պետք է մաքրել:

«Մի քանի անգամ Ձեզ զգուշացվեց, որ ազատեք տարածքը: Ոստիկանի օրինական պահանջը չկատարելու դեպքում բերման եք ենթարկվելու ոստիկանության բաժանմունք»,- դիմելով մասնակցին՝ ասաց ոստիկանը:

Քաղաքացին պատասխանեց, որ տարածքը չեն ազատում, որից հետո ոստիկանները բերման ենթարկեցին շարժման 6 մասնակիցների, նրանց տարան Արաբկիր և Մաշտոց ոստիկանական բաժանմունք: