Ֆրանսիայում նախարարներին կասկածում են «լոքդաունի» ֆոնին գաղտնի ընդհատակյա երեկույթներին մասնակցելու համար. երկրի ՆԳՆ-ն հետաքննություն է սկսել (տեսանյութ)

13:03 • 05.04.21

Ֆրանսիայում բարձրաստիճան պաշտոնյաները կասկածվում են «լոքդաունի» ժամանակ փարիզյան ռեստորաններում և գիշերային ակումբներում մասնավոր զվարճանքի միջոցառումներին մասնակցելու համար:

Երկրի ներքին գործերի նախարար Ժերալ Դարմանեն պահաջել է հետաքննել լրատվամիջոցներում  շրջանառվող տեղեկությունները:

«M6 հեռուստաալիքի հաղորդման առնչությամբ ես խնդրել եմ Փարիզի ոստիկանության թաղայինին ստուգել ռեպորտաժում ներկայացված տեղեկատվության ճշգրտությունը»,- գրել է նախարարն իր թվիթերյան պաշտոնական միկրոբլոգում:

Նշենք՝ սկանդալային ռեպորտաժը ցուցադրվել է ֆրանսիական M6 հեռուստաալիքի եթերում:

Լրատվամիջոցի պատրաստած տեսանյութում երևում է, թե ինչպես է «լոքդաունի» ժամանակ ռեստորանում գաղտնի երեկույթ անցկացվում, որի ընթացքում աշխատակիցները և հյուրերը պաշտպանիչ դիմակներ չեն կրում: Ինչ վերաբերում է սոցիալական հեռավորությանը, ապա նրանք դրա գոյություն մասին անգամ չեն էլ հիշում:

Հեռուստաալիքը կապ է հաստատել ընդհատակյա միջոցառումների կազմակերպիչներից մեկի հետ, որը հաստատել է՝ նման երեկույթներ անցկացվում են, և որ դրանց ներկա են գտնվում նաև Ֆրանսիայի կառավարության որոշ անդամներ: