Իրանը և Պակիստանը համատեղ զորավարժություններ են անցկացրել  

19:34 • 06.04.21

Իրանի և Պակիստանի ռազմածովային ուժերը երեքշաբթի համատեղ զորավարժություններ են անցկացրել Իրանի հարավային շրջանի ջրային տարածքներում:

Ինչպես հաղորդում է «Թանսիմ» գործակալությունը, Պակիստանի ռազմածովային ուժերի նավատորմը, որը կառանել էր Իրանի հարավային «Բանդար Աբբաս» նավահանգստում, տեղափոխվել է զորավարժությունների գոտի: Զորավարժություններն անցկացվել են Պարսից ծոցի և Օմանի ծոցի տարածքներում:

Համատեղ ուսումնավարժանքների կազմակերպիչ Ռեզա Շայբանին նշել է, որ զորավարժանքների նպատակն է մարտական հմտությունների բարելավումը և ռազմական փորձի փոխանակումը երկու երկրի միջև:

«Զորավարժությունները նաև ցույց են տալիս Իրանի և Պակիստանի ռազմածովային ուժերի հզորությունը և նպատակ են հետապնդում՝ զարգացնել համագործակցությունը տարածաշրջանում կայուն խաղաղության և անվտանգության հաստատման գործում: Վարժանքներին ներառվում են այնպիսի համատեղ գործողություններ, ինչպիսիք են օդային և ծովային փոխադրումների ու անցումների մարտավարության մշակումը»,- հայտնել է Շայբանին: