«Ոչինչ չեմ խնայելու հանուն Տավուշի մարզի». Նիկոլ Փաշինյանի քավոր Հայկ Ղալումյանը նշանակվեց մարզպետ (տեսանյութ)

12:09 • 08.04.21

Կառավարության այսօրվա նիստում Հայկ Ղալումյանը նշանակվեց Տավուշի մարզպետ:

Տարածքային, կառավարման և ենթակառուցվածքների նախարար Սուրեն Պապիկյանը ըստ ՀՀ Սահմանադրության 106-րդ հոդվածի 2-րդ մասի և «Տարածքային կառավարման մասին» ՀՀ օրենքի 6-րդ հոդվածի 1-ին մասի առաջարկեց Հայկ Ղալումյանին նշանակել ՀՀ Տավուշի մարզպետ:

Հայկ Ղալումյանը ներկա էր Կառավարության նիստին և շնորհակալություն հայտնեց ներկաներին՝ այդ պաշտոնը նրան վստահելու համար:

«Շնորհակալություն եմ հայտնում վստահության համար և հավաստիացնում եմ ձեզ՝ ոչինչ չեմ խնայելու հանուն Տավուշի մարզի տնտեսական զարգացման, և մեր ժողովրդի բարեկեցության համար»,- ասաց Հայկ Ղալումյանը:

Հիշեցնենք՝Հայկ Ղալումյանը 2019 թվականի սեպտեմբերի 14-ից  եղել է Իջևանի համայնքի ժամանակավոր պաշտոնակատար: Նա Նիկոլ Փաշինյանի քավորն է:

Նշենք նաև, որ նախորդ շաբաթ Տավուշի մարզպետի պաշտոնից ազատվել էր Հայկ Չոբանյանը և նշանակվել Բարձր տեխնոլոգիական արդյունաբերության նախարարի պաշտոնը: