Լեհաստանի ԱԳ նախարարը շտապ մեկնել է Կիև՝ քննարկելու Ուկրաինայի սահմանների մոտ ստեղծված իրավիճակը

15:51 • 08.04.21

Լեհաստանի արտաքին գործերի նախարարությունը հայտնել է, որ երկրի գլխավոր դիվանագետ Զբիգնև Ռաուն շտապ մեկնել է Կիև՝ Ուկրաինայի սահմաններին առկա իրավիճակը քննարկելու նպատակով, հայտնում է gazeta.ru-ն՝ հղում տալով թվիթերյան հաղորդագրությանը։

«Այսօր՝ ապրիլի 8-ին, տեղի կունենա նախարար Զբիգնև Ռաուի արտակարգ հրատապ այցը Կիև, ինչը կապված է Ուկրաինայի սահմաններին խաղաղության սպառնալիքի հետ», - ասվում է հաղորդագրության մեջ:

Ավելի վաղ ԱՄՆ-ն, Մեծ Բրիտանիան, Կանադան, Լիտվան և Լեհաստանը քննարկել էին Ուկրաինայի հետ սահմանին ենթադրյալ «ռուսական ռազմական գործունեության աճը» և աջակցություն հայտնել Ուկրաինայի ինքնիշխանությանը, տարածքային ամբողջականությանն ու եվրաատլանտյան ձգտումներին:

Հիշեցնենք, որ ապրիլի 5-ին Միացյալ Նահանգները մտահոգություն էր հայտնեցին Ուկրաինայի հետ սահմանին ռուսական զորքերի կուտակման կապակցությամբ և Մոսկվային խնդրել՝ բացատրել, թե ինչ է տեղի ունենում: