Իրանը բաց Է թողել կալանված հարավկորեական լցանավը. Yonhap

10:04 • 09.04.21

Իրանն ազատ է արձակել հունվարին Պարսից ծոցում կանգնեցված հարավկորեական Hankuk Chemi լցանավը և դրա անձնակազմին: Ապրիլի 9-ին այդ մասին հայտնել է Yonhap գործակալությունը՝ վկայակոչելով Կորեայի Հանրապետության արտաքին գործերի նախարարությունը, տեղեկացնում է «Արմենպրես»-ը:

Գործակալության տվյալներով՝ նավն անձնակազմի 13 անդամներով արդեն հեռացել է Իրանի նավահանգստից:

Իրանի առափնյա պահպանությունը հարավկորեական նավը կալանել էր հունվարի 4-ին: Արևմտյան զանգվածային լրատվամիջոցները որպես դրա հնարավոր պատճառ նշել են Սեուլի կողմից 7 միլիարդ դոլարի իրանական ակտիվների սառեցումը, որը կատարվել է ԱՄՆ-ի պահանջով:

Իր հերթին, իրանական կողմը պնդում Է, որ լցանավը կալանվել Է դրա կողմից ծոցի ջրերի աղտոտման պատճառով: