Ոստիկանությունում ծառայողական քննություն է սկսվել «ՎԵՏՕ» շարժման ակցիայի ընթացքում ոստիկանների կողմից անհամաչափ ուժի կիրառման վերաբերյալ. Անի Սամսոնյան

14:09 • 13.04.21

Ապրիլի 7-ին Կառավարության շենքի դիմաց կանանց կողմից իրականացվող բողոքի ակցիայի ժամանակ ոստիկանական գործողությունների վերաբերյալ դիմել էի ՀՀ Ոստիկանություն։ Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության պատգամավոր Անի Սամսոնյանը:

«Ի պատասխան դիմումիս՝ տեղեկացնում են, որ ՀՀ Ոստիկանության պետի հանձնարարությամբ ոստիկանության ներքին անվտանգության վարչությունում սկսվել է ծառայողական քննություն»,- գրել է նա։