Գերմանացի ակտիվիստները դագաղներ են բերել Անգելա Մերկելի նստավայրի մոտ
Գերմանիայում Move Politics Campact կազմակերպության ակտիվիստները դագաղներ են բերել դաշնային կանցլեր Անգելա Մերկելի գրասենյակի մոտ՝ այդպիսով փորձելով իշխանությունների ուշադրությունը հրավիրել երկրում կորոնավիրուսի հետ կապված իրավիճակի վատթարացման վրա:
Ցուցարարները պահանջել են խստացնել կարանտինը՝ բնակչության շրջանում մահացության մակարդակը նվազեցնելու համար: Այս մասին գրում է Ruptly հրատարակությունը:
«Շատ մարդիկ դեռ մահանում են, նրանց թիվն ամեն օր աճում է, իսկ հիվանդանոցներում վերակենդանացման բաժանմունքներն արդեն գերծանրաբեռնված են», - ասել է կազմակերպության մամուլի քարտուղար Կլարա Կոշիսը:
Նրա խոսքերով` անհրաժեշտ է երկրում ստեղծել պայմաններ, որոնց դեպքում ավելի շատ մարդ կկարողանա հեռակա աշխատել, նույնիսկ գործարաններում աշխատող մարդկանց համար:
Գերմանիայում կորոնավիրուսից ավելի քան 78 000 մարդ է մահացել, վարակվածների թիվը գերազանցում է 3 միլիոնը:










