Աբովյան քաղաքի Սահմանադրության հրապարակում բախվել են Opel Astra-ն ու Opel Zafira-ն. վերջինս գլխիվայր շրջվել է, կա վիրավոր. Shamshyan.com

17:49 • 15.04.21

Այսօր՝ ապրիլի 15-ին, խոշոր ավտովթար է տեղի ունեցել Կոտայքի մարզում: Ժամը 15:40-ի սահմաններում Աբովյան քաղաքի Սահմանադրության հրապարակում բախվել են Opel Astra և Opel Zafira մակնիշի ավտոմեքենաները:

Ինչպես տեղեկացնում է shamshyan.com-ը, բախման հետևանքով Opel Zafira-ն  գլխիվայր շրջվել է, մեկ հոգի բժշկական հետազոտման նպատակով տեղափոխվել է «Աբովյան» բժշկական կենտրոն:

Օպերատիվորեն դեպքի վայր է ժամանել Արտակարգ իրավիճակների նախարարության փրկարար ծառայության Աբովյանի հրշեջ-փրկարարական ջոկատը՝  1 մարտական հաշվարկով:

Ոստիկանությունը պարզում է վարորդների և վիրավորի ինքնությունը: