Արևմուտքը Ռուսաստանի հետ հարաբերություններում պետք է հստակեցնի այն կարմիր գծերը, որոնցից այն կողմ չպետք է անցնի. Մակրոն

03:10 • 18.04.21

Արևմուտքը Ռուսաստանի հետ հարաբերություններում պետք է հստակեցնի այն կարմիր գծերը, որոնցից այն կողմ չպետք է անցնի, ТАСС-ի փոխանցմամբ՝ հայտարարել է Ֆրանսիայի նախագահ Էմանուել Մակրոնը CBS հեռուստաալիքին տված հարցազրույցում:

«Կարծում եմ՝ անթույլատրելի վարքագծի դեպքում անհրաժեշտ է պատժամիջոցներ սահմանել»,- նշել է Ֆրանսիայի ղեկավարը:

Մակրոնը, միաժամանակ, շեշտել է, որ անհրաժեշտ է Ռուսաստանի հետ նաև կառուցողական երկխոսության գնալ:

«Բայց նաև պետք չէ սահմանափակվել պատժամիջոցներով: Մեզ Ռուսաստանի հետ անկեղծ ու բաց երկխոսություն է անհրաժեշտ»,- շեշտել է Մակրոնը: