«Հունաստանը Սաուդյան Արաբիային կտրամադրի Patriot ԶՀՀ ստորաբաժանում»․ Հունաստանի ԱԳ նախարար

10:20 • 21.04.21

Հունաստանի արտաքին գործերի նախարար Նիկոս Դենդիասը և պաշտպանության նախարար Նիկոս Պանագիոտոպուլոսն ավարտել են համատեղ այցը Սաուդյան Արաբիայի մայրաքաղաք Էր Ռիադ, որի ընթացքում կնքվել են մի շարք համաձայնագրեր։

Այս մասին հայտնում է Greek City Times թերթը։

«Մենք համաձայնագիր ենք ստորագրել Պարսից ծոցի համագործակցության խորհրդի հետ, որը երկու կողմերի նպատակն էր», - իր թվիթերյան հաշվում գրել է Դենդիասը և հավելել, որ Հունական Patriot զենիթահրթիռային համալիրի ստորաբաժանումը կտեղափոխվիՍաուդյան Արաբիա՝ երկրի օդային տարածքն ու ենթակառուցվածքները պաշտպանելու նպատակով:

Դենդիասը նշել է, որ վերոնշյալ քայլը հիանալի է Հունաստանի համար՝ Պարսից ծոցի երկրների հետ համագործակցելու գործում, և ներդրում է Արևմուտքի էներգիայի աղբյուրների ավելի լայն անվտանգության ապահովման գործում։

«Հունաստանի արտաքին քաղաքականությունը, որի հիմնական նպատակը Պարսից Ծոցի երկրների հետ մեր կապն է, ևս մեկ քայլ առաջընթաց է գրանցել», - նշել է Դենդիասը։