Շոյգուն հայտնել է ՌԴ հարավում նոր մոտոհրաձգային դիվիզիայի կազմավորման մասին

13:28 • 21.04.21

ՌԴ պաշտպանության նախարար Սերգեյ Շոյգուն գերատեսչությունում կայացած նիստի ժամանակ հայտարարել է, որ Հարավային ռազմական շրջանի զինվորականների մարտունակության կատարելագործման շրջանակում անցյալ տարի ևս մեկ մոտոհրաձգային դիվիզիա է ձևավորվել:

Ինչպես հաղորդում է РБК-ն, նախարարի խոսքով` Հարավային ռազմական շրջանի զորքերի մարտական հնարավորությունները զարգացվում են Անդրկովկասի և Մերձավոր Արևելքի որոշ երկրներում ՆԱՏՕ-ի գործողությունների պատճառով:

Շոյգուն հավելել է, որ ռազմական կառավարման մարմինների վերապատրաստման ժամանակ կիրառվում են կառավարման նոր համակարգեր, ինչպես նաև բարձրացվել է գործնական միջոցառումների որակը: