Թուրքիայում 2 նոր նախարարություն է ստեղծվել

10:05 • 22.04.21

Թուրքիայում 2 նոր գերատեսչություն է ստեղծվել՝ սոցիալական ծառայությունների և ընտանիքի հարցերով նախարարություն և աշխատանքի և սոցիալական պաշտպանության նախարարություն: Բացի այդ, փոխվել է առևտրի նախարարության ղեկավարությունը:

Համապատասխան որոշումները, որոնք ստորագրել է Նախագահ Ռեջեփ Թայիփ Էրդողանը, հրապարակվել են Թուրքիայի կառավարության Resmi Gazete պաշտոնական տեղեկագրում:

Որոշումներին համապատասխան՝ Մեհմեթ Մուշը նշանակվել է Թուրքիայի առևտրի նախարարի պաշտոնում ՝ Ռուհսար Փեքջանի փոխարեն:

Ընտանեկան գործերի և սոցիալական ծառայությունների նախարար է նշանակվել Դերյա Յանըքը, իսկ աշխատանքի և սոցիալական պաշտպանության նախարարությունը կղեկավարի Վեդաթ Բիլգինը: