ՀՀ է ժամանել Կենտրոնաամերիկյան խորհրդարանի նախագահի գլխավորած պատվիրակությունը․ նախատեսվում է միջխորհրդարանական համագործակցության վերաբերյալ համաձայնագիր ստորագրել

13:05 • 23.04.21

Հայոց ցեղասպանության զոհերի հիշատակի ոգեկոչման արարողություններին
մասնակցելու համար ԱԺ նախագահ Արարատ Միրզոյանի հրավերով Հայաստան է
ժամանել Կենտրոնաամերիկյան խորհրդարանի նախագահ Կարոլինա Ֆերնանդեսի
գլխավորած պատվիրակությունը: Այս մասին հայտնում են ԱԺ աշխատակազմից։

Պատվիրակությունը նաև հանդիպումներ կունենա օրենսդիր և գործադիր
մարմինների ներկայացուցիչների հետ: Այցի շրջանակում նախատեսվում է ՀՀ
Ազգային ժողովի և Կենտրոնաամերիկյան խորհրդարանի միջև ստորագրել
միջխորհրդարանական համագործակցության վերաբերյալ համաձայնագիր: