Իրաքում գտնվող ամերիկյան բազան հրթիռակոծման է ենթարկվել

03:21 • 23.04.21

Ուրբաթ Իրաքում Բաղդադի միջազգային օդանավակայանի մոտակայքում տեղակայված ամերիկյան բանակի Victory ճամբարը հրթիռակոծության է ենթարկվել: Այս մասին հայտնում է լիբանանյան «Ալ-Մայադին» հեռուստաալիքի թելեգրամյան ալիքը`վկայակոչելով իրաքյան բանակի աղբյուրը:

«Բաղդադի օդանավակայանի մերձակայքում գտնվող ամերիկյան ռազմական կայանի ուղղությամբ երեք հրթիռ է արձակվել», - Gazeta.ru-ի փոխանցմամբ՝ նշվում է հաղորդագրության մեջ:

Զոհերի և ավերածությունների մասին տվյալներ չեն հաղորդվում: Նշվում է, որ մինչ այժմ ոչ մի արմատական կազմակերպություն չի ստանձնել  հարձակման պատասխանատվությունը: