Գլխավոր շտաբի պետի տեղակալ Անդրանիկ Մակարյանին մեղադրանք է առաջադրվել. ՔԿ
ՀՀ ԶՈՒ ուժերի պատրաստության գլխավոր վարչության պետ, զինված ուժերի գլխավոր շտաբի տեղակալ Անդրանիկ Մակարյանին մեղադրանք է առաջադրվել: Այս մասին Tert.am-ի հետ զրույցում տեղեկացրեցին ՀՀ քննչական կոմիտեի մամուլի ծառայությունից:
Մեղադրանք է առաջադրվել ՀՀ քրեական օրենսգրքի 376 հոդվածի 3-րդ մասով:
«Անդրանիկ Մակարյանի նկատմամբ խափանման միջոց է ընտրվել ստորագրություն չհեռանալու մասին, իսկ նախաքննությունը շարունակվում է»,- նշեցին ՀՀ ՔԿ-ի մամուլի ծառայությունից:
Նշենք՝ ՔՕ 376 հոդվածի 3-րդ մասը սահմանում է՝ անփույթ վերաբերմունքը ծառայության նկատմամբ. սույն հոդվածի առաջին կամ երկրորդ մասով նախատեսված արարքները, եթե դրանք կատարվել են ռազմական դրության, պատերազմի ժամանակ կամ մարտի պարագաներում, պատժվում են ազատազրկմամբ՝ չորսից ութ տարի ժամկետով:










