Սուդանում Ռուսաստանի դեսպանատունը հերքել է երկրում Ռուսաստանի հետ ռազմածովային բազայի ստեղծման պայմանագրի կասեցման մասին տեղեկությունը

05:46 • 29.04.21

Սուդանում Ռուսաստանի դեսպանատունը չի հաստատել Կարմիր ծովում Ռուսաստանի ռազմածովային ուժերի համար բազա ստեղծելու մասին համաձայնագրի սառեցման վերաբերյալ հաղորդագրությունները: Այս մասին ասվում է դիվանագիտական առաքելության Instagram-ում հրապարակված հաղորդագրության մեջ, գրում է Gazeta.ru-ն:

Դիվանագետներն ընդգծել են, որ նման համաձայնագիրը կասեցնելու մասին մեղադրանքները «չեն համապատասխանում իրականությանը, անկախ նրանից, թե ինչ են ասում այսպես կոչված «աղբյուրները»: «Խարթումում Ռուսաստանի դեսպանատունը սուդանական կողմից ոչ մի ծանուցում չի ստացել»,- ասվում է հայտարարության մեջ:

Ավելի վաղ Al Arabia հեռուստաալիքը հայտնել էր, որ Սուդանը հայտարարել է աֆրիկյան հանրապետության տարածքում Ռուսաստանի հետ ռազմածովային բազա ստեղծելու մասին համաձայնագրի կասեցման մասին: