Զաքիր Հասանովն ընդունել է Թուրքիայի պաշտպանական արդյունաբերության ներկայացուցիչներին (լուսանկարներ)

Ապրիլի 30-ին Ադրբեջանի պաշտպանության նախարար Զաքիր Հասանովը հանդիպել է Թուրքիայի պաշտպանական արդյունաբերության կոմիտեի նախագահ Իսմայիլ Դեմիրի գլխավորած պատվիրակության հետ: Այս մասին տեղեկացնում է minval.az կայքը՝ հղում տալով Ադրբեջանի պաշտպանության նախարարությանը:

Հանդիպմանը քննարկվել են ադրբեջանա-թուրքական երկկողմ ռազմատեխնիկական համագործակցության արդիական հարցեր, նախանշվել են նոր համատեղ նախագծերի իրականացման ուղիները`հաշվի առնելով ժամանակակից մարտական գործողությունների իրականացման նոր եղանակներն ու մեթոդները: