Եղանակն՝ այսօր
Հնդկաստանում կորոնավիրուսով վարակվածների համար նախատեսված հիվանդանոցում հրդեհ է բռնկվել․ կա 18 զոհ (լուսանկարներ)
11:20 • 01.05.21
Կորոնավիրուսային ճգնաժամի դեմ պայքարող Հնդկաստանի Գուջարաթ նահանգում հրդեհ է բռնկվել կորոնավիրուսով հիվանդների բուժմամբ զբաղվող հիվանդանոցում, ինչի հետևանքով առնվազն 18 մարդ, այդ թվում ՝ երկու բուժաշխատող է զոհվել, հաղորդում է Arab News-ը։
Տեղի ոստիկանության ներկայացուցչի խոսքով՝ Բհարուչ քաղաքում հրդեհը բռնկվել է ինտենսիվ թերապիայի բաժանմունքում՝ կարճ միացման պատճառով, այն արդեն հաջողվել է մարել:
Տուժածների մասին դեռևս տեղեկություններ չեն հաղորդում։ Հայտնի է, որ հրդեհից հետո հիվանդներին տարհանել են այլ հիվանդանոց։
Առողջապահության նախարարության վերջին տվյալների համաձայն՝ երկրում գրանցվել է COVID-19-ով վարակման ավելի քան 19 միլիոն դեպք: Շուրջ 15 միլիոն մարդ ապաքինվել է, իսկ 211 853 մարդ մահացել է։
Placeholder
Studio One