Պորոշենկոն, գաղտնի ղեկավարելով ավելի քան 6 օֆշորային ընկերություն, միլիոնավոր դոլարների գործարքներ է իրականացրել՝ ձեռք բերելով նաև Սալվադոր Դալիի և Իլյա Ռեպինի թանկարժեք ստեղծագործությունները

Ուկրաինայի նախկին նախագահ Պետրո Պորոշենկոն օֆշորային ավելի քան 6 ընկերություն է կառավարել, դրանց միջոցով միլիոնավոր դոլարների գործարքներ կատարել՝ ձեռք բերելով հնաոճ կահույքի տեսականի իր տան համար, արվեստի թանկարժեք նմուշներ, որոնց թվում նաև՝ Սալվադոր Դալիի «Հաղթական փիղը» քանդակը և Իլյա Ռեպինի «Կազակները Ծև ծովի վրա» կտավը:

Ինչպես հայտնում է ТАСС-ը, Կոռուպցիայի և կազմակերպված հանցավորության ուսումնասիրության կենտրոն-միջազգային լրագրողական ծրագրի կողմից հրապարակված տվյալների համաձայն՝ գործարքներն իրականացվել են ավստրիական «Raiffeisen» բանկի միջոցով:

Կետնրոնի փոխանցմամբ՝ Պորոշենկոն և նրա կինը, օգտագործելով «Vernon Holdings» օֆշորային ընկերությունը, 2009-2012 թթ. թանկարժեք կահույք են ձեռք բերել իտալացի արտադրողներից ավելի քան 100 հազար դոլարով: