ԱՄՆ Մերիլենդ նահանգի բնակելի տներից մեկում կրակոցներ են հնչել. երեք մարդ մահացել է, ևս երկուսը՝ վիրավորվել

ԱՄՆ Մերիլենդ նահանգում՝ Բալթիմոր քաղաքի մերձակայքում, կրակոցներ են հնչել. երեք մարդ մահացել է, ևս երկուսը՝ վիրավորվել, հաղորդում է ТАСС-ը՝ հղում անելով ABC-ին:

Քաղաքային ոստիկանության տվյալներով՝ վաղ առավոտյան բնակելի տներից մեկում կրակոցների և բռնկված հրդեհի վերաբերյալ հաղորդում է ստացվել: Դեպքի վայր ժամանած ոստիկանները զինված տղամարդու են հայտնաբերել և ստիպված են եղել կրակ բացել նրա ուղղությամբ: 

Եվս երկու մարդ արդեն իսկ մահացել են եղել նախքան իրավապահների հասնելը, երկուսը՝ վիրավորվել:

Տանը, որտեղ կրակոցներ են հնչել, հրդեհ է բռնկվել, որը քիչ անց տարածվել է դեպի հարևան տները: Տեղի ունեցածի հանգամանքները պարզվում են: