Ուկրաինայի էկոնոմիկայի և ենթակառուցվածքների նախարարները հրաժարական են տվել

Ուկրաինայի էկոնոմիկայի նախարար Իգոր Պետրաշկոն և ենթակառուցվածքների նախարար Վլադիսլավ Կրիկլին սեփական ցանկությամբ հրաժարականի դիմում են ներկայացրել: Այս մասին ուրբաթ հայտնել է Գերագույն ռադայի պատգամավոր Ալեքսանդր Կաչուրան, փոխանցում է ՏԱՍՍ-ը։

«Խորհրդարան են ներկայացվել Պետրաշկոյի և Կրիկլիի հրաժարականի դիմումները՝ իրենց ցանկությամբ»,- գրել է նա իր Telegram-ալիքում։

Նա նաև նշել է, որ կադրային հարցերը կքննարկվեն երեքշաբթի՝ արտահերթ նիստում։